كلمات اغنية الاسئلة عبد الرحمن رشدى و معتز ماضي 2021
الأسئلة فيا
في الفكر والنية
داير أدور ليها وليا
على إجابات
والأسئلة هى
السكة دي بيا
فين رايحة في الدنيا
ولا الإجابة فوق سبع سموات
والأسئلة ياما
عن نفس لوامة أو نفس مطمنة
أو نفس آمّرة بسوء
وعن خلق حواليا ليها عليا
وليا أنا عليها حقوق
وعن رزقنا المقسوم
معلوم ومش معلوم
وعن خلق رامية الخلق
بأحكام على الظاهر
وياما أكتر الطاهر ومش طاهر
والكل مش ظاهر ورا هيئة والهدوم
وعن حبيب النصيب في عمرنا مخبيه
وعن محبة في عالم الله في عونا فيه
وعن السعادة وهى أصلاً تبقي إيه
وعن اللي خالق ده كله
والكون يدوب لولا ضله
وعن اللي خالق ده كله
والكون يدوب لولا ضله
والأسئلة بتتسئل و الإجابة عليه
