كلمات اغنية أنا نجم امير عيد 2022

وبعدين ؟!
كل ماخد خطوة أرجع اتنين .. العمر بيجري سابق السنين
انا شاب لكن من جوة عجوز .. عندي جناحات بس محبوس
مجروح بنزف طموح .. بدمي بكتب كلامي وابوح
بسرح بتخيل بروح .. بغني ترد فيا الروح
يمكن ده مش مكاني او الزمن ده مش زماني او انا موهوم
يمكن خيالي وداني لدنيا او لعالم تاني او انا مجنون
او يمكن !!
( انا نجم بس مفيش سما .. عندي جناحات بس مفيش هوا ) 2
وبعدين ؟!
سامع جوة مني صوتين .. صوت سابقني والتاني قديم
صوت يدل صوت يضل .. صوت يحرر وصوت يشل
وبعدين هروح لمين ؟ .. بحلم ببكره انا طول الليل
يجي النهار وأصطبح كل اللي حلمته بيتمسح
اوقات بحس اني سابق

انتوا عايشين في الماضي وانا معاه بتخانق ..
مكاني انا شايفه مش هنا .. احلامي اقوي مني ومكمله
( انا نجم بس مفيش سما .. عندي جناحات بس مفيش هوا ) 3
شايفني بعيد بس مفيش طريق .. عندي حكايات هحكيها لمين ؟؟
وانا وحيد ..!