مصطفي النسر

كلمات اغنية أنا ليا طلب مصطفي النسر

(عيني على أهل كايرو)
(لبط إبنها مين يسايره)
(الكل عامل مثالي)
(ونازلين في بعض يعايروا)
أنا صابني من البشر آذية
ظابطين منبه المرازية
عارف إنكوا مش هتسلكوا
لو حتى في أكوان موازية
ما جيتوش يوم حزني في مواسية
فما تجوش دلوقتي في تمسية
قلبي مات ومافيش نفسية
فمش هتلاقي عندي رومانسية

عشان أنا جوة دماغي تعويذة
تكشيمتي بجد مش لذيذة
بحب نفسي وماليش عزيزة
ورصيدي في مخي مش في الڤيزا
العدة واقف على تنفيذة
وخلاص باقيلكوا فترة وجيزة
ما تدورش ع السلكان مع ناس بتسعى بس لتعجيزك
‫راسي مش فيا، في إيدي Shotgun
ولو هبت مني أنا بتجن وما بهابش
الجن بيتجنبي عشان عارف إني ماليش حل
عشان نسر بجد مافيش قلب
وإنت مافيش دم
عشان بكرفلك عمرك ما بتفهم
ودي حاجة أنا ماليش فيها ذنب
النسر دمه حامي
ما يغركش إني في حالي
حقي بإيدي، ماليش محامي
ما بطبلش ولا أنحني
عشتها في الظلام الحالك
من الناس كنت أنا بتحارب
تعابين يابا وسحالي
بس وربي كنت حامد

أنا ليا طلب عندكوا
تسلكوا بس مرة واحدة
يا أسطى الناس قلوبها جاحدة
في حد معاه تليفون
دكتور نفساني عشان أهدا
أو حتى أفهمكوا لوهلة

ما بقتش أدي آمان للخلق
من كتر ما عمال بتخم
قدرت أصغرها وأتخنها
وآديني من نفس الناس إتخانت
ما بقتش أتكلم من الخنقة
طعنات عمالة تيجي من الخلف
الناس ليه عمالة بتتخلي؟
بس في الشر ما بتبخلش
عيال ع النت ما بتسكتش
بس في الشارع تحت الكوتش
وكل ما أمسك حد يقولي
“يا عم النسر إحنا ما نقصدش”
عشان أنا عفاريتي دي ما بتشوفش
أما إنت من الضرب ما بتفوقش
عشان إنت مش تمام والإدمان خلاك من المنطقة ما تفوتش
قول للي بتتحامى فيهم
لو شفتك هديك وأديهم
جاضين عشان معديهم
والكيتامين مش بيهديهم
والمشكلة عندي إني قاريهم
وبكيفي بس أنا بجاريهم
وبطولي فيها علشان بستنضف
فبحاول أبعد عن مجاريهم

مش مهتم باللي عدى
حتى وأنا النفسية سادة
ما سلمتش دماغي للمادة
ما خلصتش حكايتي بحادة
فوقت لنفسي حبة
وما قلتش الحياة دي مش عادلة
ما قعدتش أندب الأيام
عشان بجد المشكلة فينا إحنا

عيال ع النت ما بتسكتش
بس في الشارع تحت الكوتش
وكل ما أمسك حد يقولي
“يا عم النسر إحنا ما نقصدش”
عشان أنا عفاريتي دي ما بتشوفش
أما إنت من الضرب ما بتفوقش
عشان إنت مش تمام والإدمان خلاك من المنطقة ما تفوتش

مواضيع قد تعجبك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
استوري كل اللي مستنيني اقع اليسا حالة عايز اعمل زيك و انسي عمرو دياب اصالة فوق بقي و خليك في حالك اليسا انا سكتين