ماشية ما بين الناس بالنية والتساهيل
ياما دوقوني الناس أحزان كتير وقليل
وأول ما جاني العشق فرحني وعلمني اقول مواويل
ويا دنيا نفسي ارتاح في قلبي جراح بطول النيل
قلبي خدني وراح لحدود الشام عداني
والزمن جراح بعد العشم عاداني
لو يقولي سماح راح اقيدله شمعداني
والفؤاد يرتاح في القرب تاني واي والله
ما نازل من المنازل آي والله
غير لما حبيبى يطول اعلى المنازل طب والله
كنت لسه بنية يابا على الاحلام لاموني
من طياب النيه قطف الألم لموني
صادني كالبنية ولولا لملموني
جوز عنيه البنية لم قمت تاني يا ناس والله
ايه في الخلايج صاير لو المسك كرهالي
كره يعمي بصاير الأبواب مسكرهالي
عصروا ف جليبي عصاير وهواك مسكرهالي
والغرام ده مصاير ونصيبي حبك اي والله
يا أما رايح جاي وعيونه دي مغازلاني
قالي صبي الشاي يا أم العيون غزلاني
فات عنيه جواي زي الحرير غزلاني
شوف كسفني ازاي حمر خدودي يا ناس والله
العداوة حرام ليه تفضل لسه عادي
يرضي حد تنام وأنا أسهر للساعادي
مهما قولت كلام في غرامك لسه عادي
كل ده يا سلام وانا قلبي حالف طب والله
ما نازل من المنازل آي والله
غير لما حبيبى يطول اعلى المنازل طب والله
