3.5 11
كلمات اغنية الصحاب – زاب ثروت مع حمزه نمرة
1 5
كلمات اغنية الصحاب - زاب ثروت مع حمزه نمرة البوم المدينة 2018 زمان بس مش زمان ألف ليلة وليلة زمان...

كلمات اغنية الصحاب – زاب ثروت مع حمزه نمرة

admin
كلمات اغنية الصحاب - زاب ثروت مع حمزه نمرة البوم المدينة 2018 زمان بس مش زمان ألف ليلة وليلة زمان...

كلمات اغنية الصحاب – زاب ثروت مع حمزه نمرة

21 أبريل

كلمات اغنية الصحاب – زاب ثروت مع حمزه نمرة

البوم المدينة 2018

زمان بس مش زمان ألف ليلة وليلة
زمان وقت الطفولة الحلوة وايامنا الجميلة
كان عمري عشرة اتناشر مش اكتر من كدة
عرفت كريم صديقي اللي من ايام الصبا
اخوات مش اصحاب يمكن تقول علينا
يفرقنا بس الشكل والاختلاف اللي في اسامينا
نفس حب الكورة فينا ولعبها اللي بالساعات
هتلم فرقة هلم فرقة ونلعب علي التيشرتات
ياما في مدخل العمارة سهرنا علشان الوقت اتأخر
والصبح للأتاري اليوم في ثانية كان يتبخر
في الشتا كنا نتقابل بعد خروج المدرسة
تكمل العصابة بينا وننزل تاني علي العشا
في اللي منا هادي عاقل واللي صوته عالي هيصة
واللي ملهش في المشاكل واللي خناقاته عويصة
واللي من صحابنا بعدوا عشان سجارة جديدة غير
لفوا مهما لفوا تاهوا رجعوا لان ملكش غير
كشك عبده كان مجمع جمبه من الحبايب ألف
كنا كتير وما حد غايب واللي يغيب اكيد في ظرف
في الفرح دايما جماعة ومينقصش منا واحد
في العزا تلقانا صف كتف في كتف وضهر واحد
الزعل ما بينا نادر كلمة اسف كانت تدوب
اي خصام مابينا كان وجمب اخويا اياك تهوب
ايوة عيلة بدون روابط الأسر والقرايب
اختك اختي واهلك اهلي في وجودك او كنت غايب

صحاب اصلية فقرية دماغهم مشكلة
رجولة ومية مية دول عشرة قديمة مكملة
لو فين اراضينا حاسين ببعضينا
كبرت وشوش بس القلوب جدعان متغيروش

عايز احكيلكم عالسعادة والايام الحلوة بينا
البوم عمرو في المعمورة قبل راس سدر ومارينا
العربية حمولة خمسة بس راكب فيها سبعة
بنسافر الصبح بدري وبنرجع بالعافية في تسعة
الحكاوي قبل نومنا نفضل باليومين صاحيين
الشاليه لو اوضة واحدة عادي يكفي اربعين
فرقت الجامعة بينا باختلاف مواعيدنا
واتخرجنا بسرعة منها بس كنا خلاص بعدنا
صوت الجيش عمال ينادي اللي داخل واللي أجل
واللي أخد الأعفا دغري ولمعاد الفيزا سجل
كبرت الدنيا علينا والمكالمة بالمعاد
اصل فلان هاجر لكندا وفرق التوقيت بالساعات
هما اتنين تلاتة بقيوا في الوصال والاتصال
ونقول الدنيا تلاهي وكل واحد حاله حال
وفي يوم ابويا تعب كنت هموت من الخوف عليه
القدر يعمي البصر طب هتصرف اعمل ايه
فكلمت اول نمرة من صحابي كنت فاكرها
حس بيا واللي فيا من مكالمة وفي اولها
ونص ساعة وكان تلاتة من صحابيقصادي جم
زادوا اكتر بعد ساعة ايوة دول صحابي اهم
ورجعنا تاني صف واحد كتف في كتف وضهر واحد
كل اخواتي كانوا جنبي ومنقصش منا واحد
قام ابويا بعدها كانوا سندي وقتها
والحكاية دي حقيقة والله مألفتها

صحاب اصلية فقرية دماغهم مشكلة
رجولة ومية مية دول عشرة قديمة مكملة
لو فين اراضينا حاسين ببعضينا
كبرت وشوش بس القلوب جدعان متغيروش

0 تعليق

اترك تعليق



antalya rent a car Führerscheintest online kostenlos haberler antalya haberleri sesli siteler ordu haberleri fatsa haberleri ordu haberleri sesli sohbet